Қазақстандық аралас жекпе-жек шебері Дамир Ысмағұлов Instagram желісінде әуежайдағы бақылаудан өтіп бара жатқан видеосын жариялады. Кадрларда спортшының мүгедек арбасында отырғаны көрінеді.
Желіде тараған видеодан Ысмағұловтың арбаға таңылғаны байқалады. Бұл жағдай жанкүйерлер арасында алаңдаушылық тудырып, спортшының денсаулығына қатысты сұрақтарды көбейтті.
Еске салайық, желтоқсан айының ортасында Дамир Ысмағұлов Мәскеуде өткен ACBJJ 20 джиу-джитсу турнирінде ауыр жарақат алған. Сол кезде спортшыны татамиден зембілмен алып шыққан.
Кейін дәрігерлер Исмагуловтың тізе тұсынан бірнеше ауыр зақым анықтады.
Өткен аптада Дамир Ысмағұлов ота жасатқанын әлеуметтік желіде хабарлап, қалпына келу процесі оңай болмайтынын айтты:
«Операция жасалды, енді алда ауыр реабилитация тұр. Хабарламаларыңызға рақмет — бұрын-соңды мұнша көп жылы сөз бен тілек алғаным емес».
