"Қазақ королі" Лондонда жаттығуын бастады (ВИДЕО)

Лондондағы жаттығу

Жанкүйерлерге "Қазақ королі" деген лақап атпен танылған отандасымыз жуырда Лондонға барып, бокс залдың бірінде дайындыққа кірісті. Былғары қолғап шебері өзінің Instagram парақшасында жаттықтырушысымен бірге рингтегі жұмысын көрсеткен видеоны жариялады.

"Техника және тактика", — деп жазды Сұлтан Зәуірбек.

Сұлтан Зәуірбек рингке қашан оралады?

Әзірге Сұлтан Зәуірбектің келесі жекпе-жегінің нақты күні ресми түрде жарияланған жоқ. Дегенмен Лондонда басталған оқу-жаттығу жиыны боксшының жақын арада шаршы алаңға қайта шығуға дайындалып жатқанын аңғартады.

Зәуірбек соңғы кездесуін былтыр сәуір айында Астанада өткізген. Сол жекпе-жекте Оңтүстік Африка Республикасының өкілі Азинга Фузилемен қолғап түйістіріп, төрешілердің бірауыздан шығарған шешімімен жеңіске жетті.

Қазір қазақстандық боксшының кәсіби рингтегі көрсеткіші — 20 жеңіс, оның 13-і нокаутпен.