"Үш айдан кейін әлем чемпионы боламын": Жәнібек Әлімханұлы мәлімдеме жасады
Кездесу 2027 жылғы 23 қаңтарда Данияның Хорсенс қаласында өтеді.
Қазақстандық боксшы Жәнібек Әлімханұлы (17-0, 12 КО) жеңіліссіз келе жатқан даниялық былғары қолғап шебері Якоб Банкпен (20-0, 11 КО) өтетін титулдық жекпе-жек алдында мәлімдеме жасады.
Кездесу 2027 жылғы 23 қаңтарда Данияның Хорсенс қаласында өтеді. Жекпе-жекте екінші орта салмақтағы WBO нұсқасы бойынша бос әлем чемпионы атағы сарапқа салынады.
Әлімханұлы қарсыласын зерттегенін айтты
Қазақстандық боксшының сөзінше, оның командасы Якоб Банктің жекпе-жектерін зерттеп, қарсыласының осал тұстарын анықтаған. Енді дайындық барысында команда сол ерекшеліктерге басымдық бермек.
Әлімханұлы әлеуметтік желідегі X парақшасында алдағы кездесу туралы қысқаша пікір білдірді.
"Жаңа салмақ дәрежесі. Жаңа деңгей. Бұйырса, үш айдан кейін екі салмақ дәрежесінде әлем чемпионы боламын!" – деп жазды боксшы.
Бұған дейін Жәнібек Әлімханұлы орта салмақта өнер көрсеткен болатын.
Якоб Банк те чемпиондықты көздейді
Бұған дейін даниялық Якоб Банк те алдағы жекпе-жекте жеңіске жетіп, әлем чемпионы атануды мақсат ететінін мәлімдеді.