Небәрі 24%: Суперкомпьютер "Қайраттың" жеңісіне қатысты болжам жасады
"Қайрат" – "Панатинаикос" кездесуі 22 қазанда Алматыда өтеді. Матч Конференция лигасының жалпы кезеңі аясында болады.
Football Meets Data аналитикалық платформасы алматылық "Қайрат" ФК пен грекиялық "Панатинаикос" ФК арасындағы Конференция лигасы жалпы кезеңінің екінші тур матчының ықтимал нәтижелерін есептеді.
Модель бойынша кездесудің фавориті – "Панатинаикос".
"Қайраттың" жеңісіне 24% берілді
Есепке сәйкес, Афина клубының жеңіске жету ықтималдығы 52% деп бағаланған. Ал "Қайраттың" жеңіс мүмкіндігі – 24%.
Тағы 24% тең нәтижеге берілген. Осылайша, алматылық клубтың жеңілмей қалу ықтималдығы жалпы 48% болып отыр.
Командалар алғашқы турда қалай ойнады?
"Қайрат" Конференция лигасының жалпы кезеңіндегі алғашқы матчында сырт алаңда Латвияның "Ригасымен" 1:1 есебімен тең түсті.
Ал "Панатинаикос" өз алаңында Босния және Герцеговинаның "Борац" клубын 2:1 есебімен жеңді.
Матч қашан өтеді?
"Қайрат" – "Панатинаикос" кездесуі 22 қазанда Алматыда өтеді.
Бұл ойын Конференция лигасының жалпы кезеңіндегі екінші тур аясында ұйымдастырылады.
Қайрат 2-орын