Қазақстандық аралас жекпе-жек шеберінің жаттықтырушысы Эдуард Базров осылай деді.
Жартылай орта салмақ дәрежесі бойынша UFC-дің чемпиондық белбеуіне үміткер Шавкат Рахмонов орта дивизионға ауысуы мүмкін. Бұл туралы оның жаттықтырушысы Эдуард Базров «Вестник ММА» YouTube арнасына берген сұхбатында.
«Шавкатты 84 келі салмақ дәрежесінде көре аламыз ба? Әрине. Оның бойы мен жасы салмақ ауыстыруға мүмкіндік береді. Әдетте, 30 жастан асқан спортшылар салмақ қосады. Қазір бәрін жей бермейді. Арнайы диета ұстайды. Тәттіге шектеу қойған. Сол себепті алдағы уақытта 84 келіге ауысуымыз мүмкін», - деді Базров.
Естеріңізге сала кетейік, 7-ші желтоқсанда Лас-Вегастағы (АҚШ) T-Mobile Arena-да өтетін UFC 310 турнирінде Шавкат Рахмонов жартылай орта салмақтағы чемпион Белал Мұхаммедпен жекпе-жек өткізеді.
