Бұған дейін жанкүйерлер тарапынан осындай ұсыныс түскен еді.
Орта салмақта WBO және IBF чемпионы Жәнібек Әлімханұлы (16-0, 11 КО) мексикалық Сауль Канело Альвареспен (62-2-2, 39 КО) жекпе-жекке шығу туралы ұсынысқа жауап берді.
Естеріңізде болса, бұған дейін Жәнібек өзінің міндетті қарсыласы - британиялық Хамза Шираздың (21-0, 17 КО) жұдырықтасудан қашқақтай бастағанын меңзеп жазған еді. Сол жазбаға бокс жанкүйерлері пікір қалдырып, Әлімханұлына салмақ қосып, суперорта дивизионда Канелоға қарсы рингке шығуды ұсынған болатын.
"Канеломен жұдырықтасқым келетінін бәрі біледі, бірақ ол менімен шыққысы келмейді ғой, мұны бәрі біледі", - деп жазды қазақстандық боксшы өзінің Х әлеуметтік желісіндегі парақшасында.
