Шешен файтері UFC-дің бұрынғы чемпионын бірінші раундта жеңді.
Абу-Дабиде UFC 308 турнирінің басты картында жұдырықтасқан шешен файтері Хамзат Чимаев (14-0) аустралиялық Роберт Уиттакерді (26-8) небәрі бірінші раундта жеңді.
Жекпе-жек бес раундқа жоспарланған болатын. Алайда, 30 жастағы Хамзат бірінші раунд соңына жетпей Уиттакерді қылқындыру әдісі арқылы жеңіп кетті.
Шешен файтері қазіргі таңда Біріккен Араб Әмірліктерінің намысын қорғап жүр. Ол осы күнге дейін бірде-бір рет жеңілмеген. 14 жекпе-жегінің 12-сін мерзімінен бұрын аяқтаған.
Енді Хамзат Чимаев UFC чемпионы атағы үшін Оңтүстік Африка Республикасының өкілі Дрикус ди Плессимен (22-2) жұдырықтасуы керек.
