Осыдан екі апта ғана бұрын "Темір Тайсон" америкалық блогер Джейк Полдан ұпай саны бойынша жеңіліп қалған болатын.
Ресейлік танымал блогер әрі тиктокер Даня Милохин аты аңызға айналған америкалық боксшы Майк Тайсомен жекпе-жек шығуы мүмкін. Бұл туралы Даняның бокстан жеке бапкері Зорик Степанян айтты.
"Егер Милохинмен бірге АҚШ-та қалар болсақ, Тайсонмен жұдырықтасу ықтималдылығы болады. Дарынды жас жігіттің бокс аңызына қарсы жекпе-жегін көру қызық болар еді. Қазірдің өзінде басқа бір америкалыққа қарсы шаршы алаңға шығу жоспарда бар. Ол Джервонта Дэвис пен Мейвезердің шәкірті. Ол да жас жігіт. Соған дайындалып жатырмыз. Тер төгудеміз", - деді Степанян.
Естеріңізде болса, қарашаның ортасында 58 жастағы Майк Тайсон 27 жастағы Джейк Полмен жұдырықтасқан еді. Алайда төрешілердің бірауыздан шешімімен блогер жеңімпаз деп танылды.
