Алғашқы жекпе-жекте Бетербиев жеңіске жеткен болатын.
Жартылай ауыр салмақта абсолютті әлем чемпионы Артур Бетербиев пен Дмитрий Бивол арасында өтетін реванштың қашан өтетіні туралы ақпар пайда болды.
Журналист Дэн Рафаэльдің мәліметі бойынша 2025 жылдың 22 ақпанында Сауд Арабиясында бокс кеші өтеді. Соның аясында абсолютті чемпион Артур Бетербиев пен бұрынғы чемпион Дмитрий Бивол шаршы алаңға шығады екен.
«Дереккөздер The Riyadh Season шоуына даярлық жайлы айтты, соның ішінде Артур Бетербиев пен Дмитрий Бивол реваншы да бар», - деп жазды Дэн өзінің жаңалықтар парақшасында.
Еске сала кетейік, Артур Бетербиев пен Дмитрий Бивол арасындағы айқас 13 қазан күні Эр-Риядта өтті. Бұл айқаста төрешілердің басым дауысымен Артур Бетербиев жеңіске жетті.
