Жекпе-жек Таиландта өтті.
20 жастағы қазақстандық боксшы Тимур Баситов Тайландта өткен бокс кешінде жеңіске жетті. Бұл туралы msports.kz хабарлады.
Баситов жергілікті былғары қолғап шебері Дон Паруангпен жұдырықтасқан болатын. Тәжірибелі қарсыласқа қарсы жекпе-жекте отандасымыз төрешілердің бірауыздан шыққан шешімімен жеңімпаз танылды.
Айта кетейік, WBC Silver титулын иеленген Дон Паруанг кәсіпқой бокста 14 жекпе-жек өткізіп, 11-ін нокаутпен аяқтады. 2018 жылы ол италиялық Кристиан Дажионы 12-раундта жойқын соққыларымен есінен тандырды. Италиялық боксшы сол күйі ес жимай, екі күннен кейін ауруханада көз жұмды.
