Жеңіліп көрмеген ирландиялық UFC файтері Ян Гэрри (15-0) Шавкат Рахмоновты (18-0) нокаутқа жіберуге уәде берді, деп хабарлайды Vesti.kz.
Олардың жекпе-жегі 7-8 желтоқсанға қараған түні Лас-Вегаста (АҚШ) өтеді және UFC 310 турнирінің басты оқиғасы болады.
"Біздің салмақта ешқашан жеңіліп көрмеген адамды жеңіп, күллі әлемді таңқалдырамын", - деді Гэрри. - Мен бәрі осылай болғанына өте қуаныштымын. Дайындыққа көбірек уақыт бөлгенім жақсы болар еді. Бірақ мен асығыс болған кезде жақсы жұмыс істеймін. Шавкатты құрметтеймін. Оны жеңе алатыныма сенімдімін. Шавкатта 18 ерте жеңіс бар және бірде-бір жеңіліс жоқ. Менде 15 жеңіс және бірде-бір жеңіліс жоқ. Менің ойымша, Шавкат төртінші раундта шаршап қалады. Мен оны мерзімінен бұрын жеңудің жолын табамын", - деп атап өтті Гэрри.
Бастапқыда Рахмонов UFC 310-да жартылай орта салмақтағы UFC чемпионы Белал Мұхаммедпен (24-3) төбелесуі керек еді. Алайда америкалық денсаулығына байланысты жекпе-жектен бас тартты.
