Қазақстандық аралас жекпе-жек файтері Қуат Хамитов жарақатына байланысты ресейлік Мариф Пираевпен жұдырықтаса алмайды.
Олар 27 желтоқсан күні Алматыда кәсіпқой бокс ережесі бойынша жұдырықтасуы керек еді. Енді жекпе-жектің қай мерзімге шегерілгені белгісіз.
“Мен жарақатпен шаршы алаңға шыға алмаймын. Сондықтан келесі жүздескенше!” – деп жазды “Найман” өз Instagram аккаунтында.
Қуат Хамитов ММА-дегі соңғы ресми жекпе-жегін биыл мамырда өткізген. Сол кезде оған әйгілі ресейлік Александр Шлеменко (67-15-1) қарсылас болды. Өкінішке қарай қазақстандық спортшы төрешілердің шешімімен жеңіліп қалды.
