Танымал бокс бапкері Мұхит Амантаев пен атыраулық спортшы Әнуарбек «Мотиватор» арасында жақында жекпе-жек өтуі мүмкін.
Бүгін қарсыластар "Бірінші бол" подкастында бірінші рет көз арбасты. Тіпті төбелесуге жақын қалған. Әлеуметтік желіде тараған бейнежазбадан спортшылар сұхбат барысында ерегісіп отырғаны байқалады. "Мотиватор" Мұхитқа қарай қыздың көйлегін лақтырып жібереді.
Алайда оның соңы немен аяқталғаны белгісіз. "Бірінші бол" авторлары тек бұл подкасттың толық нұсқасы ертең жариялатынын ғана жазған.
Айта кетейік, Әнуарбек пен Мұхит арасында кикілжің жуырда желіде басталған еді. Бір-бірінің ашуын келтірген спортшылар төбелесуге дайын екендерін де жеткізген болатын.
