Отандық спорттық функционерлер білікті боксшыға қызмет тауып бере алмады.
Қазір Жиров Сауд Арабиясында жүр. Бапкерлік қызмет бойынша ұсыныстар қарастырып жатыр. Әлі келісімшартқа қол қойылмаған, дегенмен арабтар тарапынан оның тәжірибесіне қызығушылық бар.
“Мен елімде қалып жұмыс істеуге дайын болдым. Бірақ спорт басшылары үнсіз қалды. Ұсынысым қабылданған жоқ, ақырын ғана шеттетіп тастады”, - деді Жиров Exclusive-ке берген сұхбатында.
Еске сала кетсек, желтоқсанда Василий Жиров “Бірінші бол” YouTube-каналында қонақта болып, сұхбат барысында Қазақстанда жұмыс істегісі келетінін айтқан. Бірақ Бокс федерациясы оған ешқандай ұсыныс жасамаған. Тіпті, туған жері Қарағанды облысынан да лайықты қызмет ұсынылмаған.
