Танымал бапкер қазақстандық аралас жекпе-жек шебері бабында екен айтты.
Танымал қазақстандық бапкер, бірнеше чемпионды дайындап шыққан Айбек Шоқпұтов Жалғас Жұмағұловтың UFC-дің бұрынғы жекпе-жек шебері Джастин Скоггинспен болатын жекпе-жекке дайындығы туралы пікір білдірді. Бұл туралы ол Sports.kz сайтына берген сұхбатында айтты.
«Жалғастың дайындығы жақсы деңгейде өтіп жатыр. Бұл жолы ол дайындыққа ертерек кірісті. Біз онымен үнемі байланыстамыз. Ол керемет физикалық формада және менталды тұрғыдан да толық дайын. Жалғас тек жеңіске жетуге ниетті және мен оның сол нәтижеге жететініне сенемін», – деді маман.
Жалғас Жұмағұлов пен Джастин Скоггинс арасындағы кездесу 27 ақпанда Павлодарда, Fight Nights Global лигасы аясында бокс ережелері бойынша өтеді.
