Бокстан әлем чемпионатында Қазақстан Өзбекстанды жеңді (ВИДЕО)
Сербияның Ниш қаласында өтіп жатқан 2025 жылғы бокстан әйелдер арасындағы әлем чемпионатында Қазақстан құрамасының мүшесі Елдана Тәліпова алғашқы жекпе-жегін сәтті өткізді.
Instagram/@qaz_team_official
81 кг жоғары салмақта өнер көрсеткен Елдана 1/8 финалда өзбекстандық Олтиной Сотимбоевамен қолғап түйістірді. Тартысты өткен кездесуде қазақстандық боксшы төрешілер шешімімен 4:1 есебімен жеңді.
Осылайша Тәліпова әлем чемпионатының ширек финалына шығып, медаль үшін күресін жалғастырады. Ал оның қарсыласы турнирді ерте аяқтауға мәжбүр болды.
Айта кетейік, Елдана Тәліпова Азия чемпионы атағына ие. Ол 2024 жылдың желтоқсанында Таиландтың Чиангмай қаласында өткен құрлықтық біріншілікте Олтинай Сотимбоевадан басым түсіп, алтын медаль жеңіп алған еді.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet