АҚШ - Ресей арасындағы супертурнир ұсынысында қазақстандық файтердің есімі Ресей туының астында көрсетілді.
MMA сарапшысы Ксавье Лафламм UFC президенті Дана Уайтқа ерекше ұсыныс жасап, АҚШ пен Ресей файтерлері арасындағы супертурнирді ұйымдастыруға шақырды.
Бұл ұсынылған жекпе-жек кешінің қатысушылары қатарында жеңіліп көрмеген қазақстандық файтер Шавкат Рахмоновтың есімі де бар. Алайда, оның аты Ресей туының астында көрсетілген. Бұл жанкүйерлер арасында көптеген сұрақ тудырды.
Лафламм турнирдің өтетін орнын Филадельфия қаласы деп белгілеп, басты жекпе-жектерді атады:
Бұл ұсыныс ресми емес, тек Лафламмның жеке идеясы болғанымен, Рахмоновтың Ресей құрамында көрсетілуі көпшіліктің назарын аударды.
Айта кетейік, Шавкат Рахмонов – Қазақстанның UFC-дегі ең танымал файтерлерінің бірі, оның рекорды – 19 жеңіс (18 КО) және бірде-бір жеңіліс жоқ.
Бұған дейін Рахмоновтың 10 мамырда Белал Мұхаммедпен титулдық жекпе-жек өткізуі күтілген, алайда, АҚШ файтері бұл кездесудің орнына Джек Дела Маддаленамен жұдырықтасатыны белгілі болды.
Қазақстандық файтер жарақатына байланысты жекпе-жектен уақытша бас тартуға мәжбүр болды. Ол толық қалпына келген соң, күзде титулдық жекпе-жекке шығуды жоспарлап отыр.
