Қазақстандық боксшы Виктория Графеева Сербияның Ниш қаласында өткен әйелдер арасындағы әлем чемпионатының финалында өнер көрсетті.
60 келіге дейінгі салмақтағы шешуші жекпе-жекте Графеева ресейлік Нуне Асатрянмен қолғап түйістірді. Өкінішке қарай қазақстандық спортшы 0:5 есебімен қарсыласына жол беріп, әлем чемпионатының күміс жүлдегері атанды.
Бұған дейін Азия бокс конфедерациясы (ASBC) Виктория Графееваны Қазақстан құрамасындағы ең перспективалы боксшы деп атаған болатын. Ол қазірдің өзінде Азия чемпионы мәртебесіне ие.
Графееваның қарсыласы Нуне Асатрян бұл жеңісі арқылы әлем чемпионы атағын иеленді. Айта кетейік, Асатрян 2024 жылы Еуропа чемпионатының күміс жүлдегері болған.
