Еуразиялық OCTAGON жекпе-жек лигасы 2024 жылы болған ең үздік нокауттардың топтамасын жариялады.
Аталған топтамада "Жылдың үздік нокауты" номинациясының жеңімпазы болып өзбекстандық файтер Амирхон "Қоқан арыстаны" Алихуджаев танылды. Оның нокауттық жеңісі жанкүйерлердің назарын аударып, 2024 жылдың ең жарқын сәттерінің біріне айналды.
19 сәуір күні Алматыда OCTAGON 71 халықаралық турнирі өтеді. Бұл кеште жанкүйерлер бірнеше қызықты жекпе-жектердің куәсі болмақ.
Кештің басты оқиғасында қазақстандық Аян Тұрсын (7-0) мен Қырғызстан өкілі Фарида Абдуева (4-1) арасында әйелдер минималды салмақ санатындағы чемпиондық белбеу сарапқа салынады.
Турнирдің ко-мейн ивентінде жартылай жеңіл салмақ дәрежесіндегі чемпиондық белбеу үшін айқас өтеді. Бұл жекпе-жекте өзбекстандық Сардор Худойбердиев (8-3) пен қырғызстандық Арген Абдықадыр уулу (9-1) күш сынасады.
