ҚР Премьер-Министрінің бірінші орынбасары Роман Скляр жеңілдетілген автонесиелеудің болашағына қатысты сұраққа жауап берді.
Үкімет өкілі жеңілдетілген автонесиелеу бағдарламасының бұрынғы кезеңінде ел азаматтарының қызығушылығы өте жоғары болғанын атап өтті:
“Біз бұрын 100 млрд теңге бөлген болатынбыз. Небәрі 20 күн ішінде 15 мың қазақстандық автонесие рәсімдеді”, – деді Роман Скляр.
Алайда, бұл қарқын “дені дұрыс емес ажиотажға” алып келгенін мойындады.
Қазір бюджет мүмкіндігі шектеулі екенін айтқан Роман Скляр:
“Қазір мұндай жоғары пайыздық мөлшерлемені субсидиялау мүмкіндігі жоқ. Сондықтан жеңілдетілген автонесиелеу бағдарламасын жақын арада қайта іске қосу жоспарда жоқ”, – деп нақтылады.
2023 жылдың 6 ақпанында таңғы сағат 10:00-де басталған автонесиелеу науқаны тек 18 секундта жабылды. 761 қолжетімді өтінімнің барлығы толық тіркелді.
1 минутта сайтқа 125 мыңнан астам адам кірген
Көптеген азаматтар сайттың жұмысына шағымданып, өтінім бере алмаған
Бұл жағдай жеңілдетілген несиеге деген сұраныстың қаншалықты жоғары екенін көрсетті.
