Жаңа сигнал жол қозғалысын робомобиль реттеп тұрғанын білдіреді.
Солтүстік Каролина штатындағы университеттің зерттеу тобы жүз жылдан аса уақыт қолданыста болған бағдаршам схемасына өзгеріс енгізуді ұсынды. Автономды басқару жүйесі бар машиналар дамып, оларға қозғалысты реттеу құқығын беруге мүмкіндік туып отыр.
Қызыл, сары және жасыл түстің жанына ақ түс қосылады. Бұл сигнал қиылыстағы қозғалысты сол жерде жүрген автономды автомобиль реттейтінін білдіреді. Ал жүргізушілер осы көліктің соңынан еріп жүруге тиіс, деп жазды Carscoops.
Зерттеушілер әр машинадағы жасанды интеллект бір-бірімен лезде дерек алмасып, қозғалысты дәстүрлі бағдаршамға қарағанда әлдеқайда тиімді реттей алатынын хабарлады.
Бірақ ақ түсті бағдаршам сигналы жақын арада пайда болмайды. Ол үшін автономды автомобиль саны қарапайым көліктермен теңесіп, жол инфрақұрылымы «ақылды» деңгейге жетуі қажет.
