Қазақстанда көлік иелеріне қатаң шаралар күтіп тұр: салығы өтелмегендерге пеня есептеледі

2-сәуірден бастап Қазақстанда көлік салығын уақытында төлемеген азаматтарға қатысты ескерту хаттары таратыла бастайды. 2024 жылғы көлік салығын төлеу мерзімі 2025 жылдың 1 сәуіріне дейін белгіленген. Осы күннен кейін әр кешіктірілген күн үшін өсімпұл есептеледі. Бұл туралы Finratings.kz порталы хабарлады. 

Салықты төлемесеңіз не болады?

• Салық төленбеген жағдайда өсімпұл автоматты түрде есептеледі.
• 30 жұмыс күні өткен соң салық қызметі қарыз туралы ресми ескерту жібереді.
• Одан кейін салықтық бұйрық шығып, қарызды мәжбүрлеп өндіру процесі басталады.

Көлік салығы қалай есептеледі?

Салық мөлшері көлік қозғалтқышының көлеміне және АЕК (МРП) көрсеткішіне байланысты. 2024 жылы 1 АЕК мөлшері – 3 692 теңге.

Негізгі ставкалар:

• Қозғалтқыш көлемі 3 000 см³ дейін: 1–9 АЕК (3 692 – 33 228 теңге).
• 3 000–4 000 см³ дейін, 2014 жылға дейін әкелінген: 15 АЕК – 55 380 теңге.
• 4 000 см³ жоғары, 2014 жылдан кейін шығарылған немесе әкелінген: 117–200 АЕК (431 964 – 738 400 теңге).

Қосымша есеп:

Егер қозғалтқыш көлемі 1 500 см³-ден асса, әрбір артық 1 см³ үшін 7 теңге қосылады.

Мысал:
Авто – 2 799 см³
Базалық ставка (9 АЕК): 33 228 теңге
Артық көлем: 2 799 – 2 500 = 299 см³ × 7 = 2 093 теңге
Жалпы салық сомасы: 35 321 теңге

Салықты қалай төлеуге болады?

Салықты төлеу үшін:

• e-Salyq Azamat мобильді қосымшасы немесе
• Мемлекеттік кірістер комитетінің сайтындағы калькуляторды пайдаланыңыз.

Төлем жасау үшін қажет деректер:

1. Автокөліктің VIN-коды (17 таңба)
2. КБК: 104402
3. КНП: 911 (негізгі төлем үшін), 912 (өсімпұл үшін)

Егер көлік иелігіңізде болмаса (мысалы, ұрланған болса), тиісті дәлелді құжаттар ұсынылуы тиіс.

Назар аударыңыз!

• 1 сәуірден кейін төлем жасалмаған жағдайда, өсімпұл әр күн сайын өсіп отырады.
• 30 жұмыс күнінен кейін – ескерту хаты,
• Содан соң – мәжбүрлі өндіріп алу.