23 миллион көрермен: Қазақстандықтар былтыр не көрді?

2024 жылы Қазақстанда кино көруге деген сұраныс күрт артты. Ел бойынша кинотеатрларға барған көрермендер саны 23 миллионнан асқан. Бұл өткен жылмен салыстырғанда 11,2%-ға көп. Бұл туралы 24.kz хабарлады. 

Кинематографияда да өсім байқалады. Бір жылда елде 514 фильм түсірілген. 2023 жылға қарағанда 127 туындыға көп. Соған қарамастан, киностудиялар саны 98-ден 80-ге дейін қысқарған.

Көрсетілген фильмдердің үлесі:

• 53% – шетелдік туындылар;
• 43% – қазақстандық кинолар;
• 4,8% – бірлесе түсірілген жобалар.

Бүгінде елімізде 113 кинотеатр жұмыс істейді, олардың басым бөлігі Алматы (22), Астана (11) және Шымкент (7) қалаларында орналасқан.