Әлемге әйгілі әнші Димаш Құдайбергеннің отбасында ерекше қуаныш болды. Оның қарындасы Раушан Құдайбергенге сырға салу рәсімі жасалды.
Бұл туралы ақпарат әншінің ресми фан-парақшасы AktobeDimashDearsKz арқылы Facebook желісінде жарияланды.
Парақшада жарияланған хабарламада былай делінген:
"Бүгін біздің сүйікті Раушанымыз үшін маңызды күн — сырға салу рәсімі өтті. Раушан, бақытты бол! Жаңа өмір жолың ашық, отбасың шаттыққа толы болсын!" — деген жылы лебіздер жазылды.
Сырға салу — қазақ халқының дәстүрлі салты, ол болашақ келіннің жаңа өмірге қадам басқанын білдіреді. Раушан Құдайбергеннің осы рәсімді өткізгені отбасындағы тағы бір маңызды белестің басталғанын айғақтайды.
