Ташкент төріндегі Абдукодир Хусановтың үйлену тойына өзбек спортының жұлдызы, әлемге әйгілі былғары қолғап шебері Баходир Джалолов арнайы қонақ ретінде қатысты.
Абдукодир Хусанов үшін бұл күн ерекше әрі тарихи болды. Бірақ тойдың басты назарында жас жұбайлармен қатар, қонақ ретінде келген Олимпиада чемпионы Баходир Джалолов та болды.
Танымал боксшы салтанатты кеште жас жұбайларды шын жүректен құттықтап, бақыт пен махаббат тіледі. Сонымен қатар Джалолов жас футболшының болашағына зор сенім білдіріп, оның кәсіби спорттағы жетістіктері тек алға баса беретінін айтты.
Джалолов пен Хусановтың бірге түскен суреттері қонақтармен қатар, әлеуметтік желі қолданушылары арасында да ерекше қызығушылық тудырды. Спортшылар арасындағы шынайы достық пен жылы қарым-қатынас тойға келгендердің де, желідегі жанкүйерлердің де жүрегінен орын алды.
"Осындай қуанышты күнде Баходир ағамның жанымызда болуы – үлкен мәртебе", – деді Хусанов тойдан кейінгі сұхбатында.
