Қазақстандық шоу-бизнес тағы бір шумен оянды: актер әрі продюсер Жұлдыз Әбдукәрімова Instagram парақшасында дөңгеленген ішін көрсетіп, желі қолданушыларын елең еткізді.
Жұлдыз жазбасында былай деп жазды:
“2025 жылға арналған өз жоспарларым болған. Бірақ оның маған дайындаған сыйы бұдан да ғажап әрі қайырлы екен”, – деп жазды актриса.
Желіде бірден қызу пікірталас басталды. Отандық жұлдыздар да үнсіз қалмады. Әнші Алтынай Жорабаева, тележүргізуші Анна Данченко, актриса Жарқынай Ханайым, Айсәуле Бақытбек, Наzима, Жазира Байырбекова сынды танымал тұлғалар бұл жаңалықпен құттықтап, жылы лебіздерін білдірді.
Желі қолданушыларының бір бөлігі шын жүректен қуанып, ақ тілектерін жаудырса, енді бірі бұл шындыққа жанаса ма, әлде хайп па деп күмәндануда.
Ал Жұлдыз болса, пікірлерге әзілмен жауап берді:
“Сіздердің комменттеріңіз – нағыз хит!” – деп жазды ол.
Айта кетейік, Жұлдыз Әбдукәрімова мен Қайрат Нұртас төрт баланың ата-анасы: қыздары Алау мен Сезім, ұлдары Нарұл мен Хан. Соңғы уақытта олардың арақатынасы туралы түрлі болжамдар айтылып келеді. Қазір Жұлдыз Астанада, ал Қайрат Алматыда тұрып жатыр.
Бұған дейін Қайрат Нұртас та желіде жұбайына ризашылығын білдіріп, “жақсы жаңалықты бөлісуге дайындалып жатыр” деген ишара жасаған болатын.
