Қазақстандық танымал әнші, қазір үшінші рет ана атануға дайындалып жүрген Ерке Есмахан әлеуметтік желіде күйеуі, әнші RaiM-нан алған жаңа сыйлықтарын көрсетіп, көпшіліктің назарын аудартты.
Ерке өзінің Instagram парақшасындағы стористе жаңа фотосуретін жариялады. Онда ол кең жейде мен қара шалбар киіп, қолындағы асыл тастармен безендірілген бірнеше жүзікті көрсеткен. Жанкүйерлер оның стилі мен жүзіктердің жарқырауына тәнті болды.
40 жастағы әнші үшінші сәбиін күтіп жүрген шақта күйеуі RaiM-ның ерекше қамқорлығын атап өтті:
"RaiM, жаным, бір жүзікпен шектелмепті. Құдай қаласа, босанған соң маған осы жүктілік кезінде сыйлаған барлық әдемілікті көрсетемін. Қыздар, біз бәрінен де лайықтымыз, мұны ұмытпаңдар, жарай ма?" — деп жазды Ерке.
Ерке аяғы ауыр болғанына қарамастан сергек күйде қалуды жалғастырып, шопингке шығып жүргенін көрсетті. Ол RaiM-ның назарсыз қалдырмағанын мақтанышпен жеткізді.
