Танымал әнші Төреғали Төреәлі тағы да көпшіліктің сынына ұшырады. Әлеуметтік желілерде тараған мәліметтерге сәйкес, ол жанкүйерінің 55 жасқа толу тойына мас күйінде барған деген ақпарат тарады.
Көзбен көргендердің айтуынша, Төреғали Төреәлі тойда қымбат виски сұраған, нақтырақ айтқанда бағасы 32 000 теңге тұратын алкогольді талап етіп, егер айтқаны орындалмаса, кештен кетіп қалатынын айтқан.
“Мерекелік көңіл күй күткенбіз, бірақ ол ішіп келіпті. Денесінен алкоголь иісі аңқып тұрды. Әні фонограмма болды. Не әнші, не қонақ ретінде ұнамады”, — делінген Instagram парақшасындағы жазбада.
Әзірге Төреғали Төреәлі аталған айыптауларға байланысты ешқандай ресми мәлімдеме жасамады.
