Танымал продюсер Баян Алагөзованың қызы, қазақстандық блогер және журналист Айсәуле Бақытбек өзінің Instagram парақшасында қайын атасы Ербол Қайдаровтың өмірден өткенін хабарлап, отбасындағы ауыр қайғымен бөлісті.
Қазақстандық танымал блогер әрі жүргізуші, Баян Алагөзованың қызы Айсәуле Бақытбек өзінің Instagram парақшасында отбасындағы ауыр қайғы туралы бөлісті. Ол өмірден өткен қайын атасы Ербол Қайдаровты еске алды.
Айсәуле жазбасында күйеуінің көзіндегі қайғыны сипаттап, қолынан ештеңе келмей тұрғанын былай жеткізді:
«Қаншама аралас сезім, бірақ оны сипаттауға сөз таппай отырмын. Жанымдағы сүйікті адамға қарап, оның ішкі жан жарасын сеземін. Бірақ ешқандай көмек бере алмаймын.
Мұндай жараларды ештеңемен емдей алмайсың. Балаларыма қараймын — олар ең көңілді, мейірімді, “дүниедегі ең жақсы досын” күтуде, ал мен олардың бұл үміті орындалмайтынын білемін.
Олар аталарын іссапарға кеткен деп ойлайды. Ал мен олардың жүрегін жаралап алмай, мұны қалай түсіндірем деп он түрлі нұсқаны ой елегінен өткізіп отырмын».
Айсәуле Ербол Қайдаровтың үнемі оның жетістіктеріне қуанып, қолдау көрсетіп жүргенін айтып, сағынышын білдірді:
«Қазір “Сырласу” бағдарламасының жаңа шығарылымын дайындап жатырмын, бизнесте де жетістіктерге жетудемін. Бірақ бір нәрсені білемін – енді әкем мені ешқашан мақтамайды.
Әкем — менің шығармашылығымды, сұхбаттарымды қалт жібермей қарап отыратын жалғыз адам еді. Тіпті Instagram стористерімді ең ұсақ әріптеріне дейін оқитын. Ол менімен мақтанатынын ешқашан жасырып көрмепті.
Әке, біз де Сізбен мақтанамыз. Бізге осындай адам болғаныңыз үшін, Сіздің балаларыңыз болғанымыз үшін мақтан тұтамыз. Сіз – нағыз интеллигент, адал, әділ және шынайы жан едіңіз. Бізге қалдырған тәрбиеңіз үшін алғысымыз шексіз.
Сізді өте қатты жақсы көремін. Енді көктен қарап, біздің Сіздің кетуіңізді қабылдап, өмірімізді жалғастыруға тырысып жатқанымызды көріп отырасыз деп сенемін. Бақытты өмір сүрейік, өйткені дәл осыны Сіз қалайтын едіңіз».
Желі қолданушылары Айсәуленің қайғысына ортақтасып, шынайы пікірлер қалдырды:
