Қазақстанның еңбек сіңірген әртісі, танымал өнер иесі Айгүл Иманбаева отбасы мүшелеріне – ұлына, келініне және немересіне арнап үлкен той өткізді.
Instagram парақшасында жарияланған бейнежазбаларда Айгүл Иманбаева бұрынғы жұбайы, актер әрі ҚР еңбек сіңірген қайраткері Сәбит Әбдіхалықовпен бірге тұрып, мерекені ресми түрде ашық деп жариялайды.
"Бұл той – отбасымыздың үлкен қуанышы. Ұлым мен келінім үшін, ең бастысы – немереміз Айсұлу үшін!", – деп атап өтті әнші.
Келесі бейнероликте әнші кештің шынайы иесі – өзінің анасы екенін ерекше құрметпен атап өтеді. Ол кісі немересінің қуанышын ерекше ықыласпен атап өтті.
Айгүлдің өнердегі әріптестері мен достары бұл кешке арнайы келді. Кеш қонақтарының қатарында шоу-бизнес өкілдері – Беркут, Аиша, Тәуекел Мүсілім жұбайымен, Өмірқұл Айниязов, Альбира Шәрдарова, Бауыржан Сатов және тағы да басқа танымал тұлғалар болды.
Айгүл Иманбаеваның қазіргі жұбайы жас отбасыны және кішкентай Айсұлуды бір жасқа толуымен онлайн құттықтады. Оның бейнеқұттықтауы үлкен экран арқылы көрсетіліп, қонақтардың ыстық ықыласына бөленді.
"Махаббат үшін қашықтық кедергі емес. Экранның арғы жағынан айтылған жүрекжарды сөздердің өзі сезімді оятады", – деп жазды Айгүл Instagram-да.
