Әнші, қоғам қайраткері Сәкен Майғазиев ұлы Әділет пен келіні Әдияның қуанышында көпшілік алдында ерекше ықыласқа толы сөз сөйледі.
Той үстінде Майғазиев келіні жайлы жылы лебіз білдіріп, оның мінезі мен болмысы өзіне ерекше әсер еткенін жеткізді:
"Әдия қызымыз әжесіне де, анасына да емес, тікелей Динараға (жұбайы) ұқсайды. Бұған қатты таңғалдым. Тіпті кейде біздің әулет үшін арнайы жаралғандай сезіледі", – деді ол.
Сәкен Майғазиев той алдындағы бір аптада өзінің әлеуметтік желілеріндегі қаралым саны 70 миллионға жеткенін де айтып өтті. Бұл оның қоғамдағы танымалдылығы мен сөздерінің қаншалықты еленетінін көрсетсе керек.
Сондай-ақ, әнші құда-құдағилардың қарапайым болмысына ризашылығын білдіріп, екі жақтың ұқсас тәрбие көргенін атап өтті:
"Құдаларымызбен кездескенде өз әулетімізді көргендей болдық. Тәрбиеміз де, мінезіміз де, ата-әженің тәлімі де ұқсас. Құдалықтың алғашқы күнінен-ақ риза болдық. Алла осындай көрікті, ибалы, тәрбиелі келінді біздің үйге нәсіп еткені үшін шексіз алғыс білдіремін", – деді Сәкен Майғазиев тебірене.
