"Біреуі – анасына, екіншісі – әкесіне ұқсайды": Баян Алагөзованың қыздары жұртты сүйсіндірді (ФОТО)

Киіз үйдегі кадр – ұлттық сән мен бала бейнесі

Суретте Алиса мен Алма дәстүрлі оюлармен көмкерілген киіз үй ішінде, текемет үстінде отырып, қолдарына шағын музыкалық аспаптар ұстаған. Анасы жазбаға түсіндірме қалдырмағанымен смайлик түрінде құлпынай, алма және жүрек белгілерін ғана қалдырған.

Бұл бейне желі қолданушыларының жүрегін елжіретіп, пікір алаңында жылы лебіздерге толы толқын тудырды.

Пікірлер: “Алиса – мамасына, Алма – әкесіне тартқан”

Желі оқырмандары бірден қос қыздың кімге ұқсайтынын жазып жатты:

• “Мына бүлдіршіндерді құшақтап алғың келеді, сондай сүйкімді отыр!”
• “Нағыз қуыршақтар! Алиса – нағыз мамасының көшірмесі, ал Алма – папасына тартқан!”
• “Баян мен Тұрсынның мини-нұсқалары!”
• “Шынымен, біреуі анасына, екіншісі әкесіне ұқсайды”
• “Нағыз ханшайымдар!”

Баян Алагөзова — бақытты ана

Бұған дейін Баян Алагөзова отбасында қос қыздың алғашқы туған күнін атап өтуге дайындалып жатқанын мәлімдеген болатын. Алиса мен Алма өткен жылдың тамыз айында, 15 күн айырмашылықпен дүниеге келген.