Қазақстандық әнші Luina аралас жекпе-жектің танымал өкілі Қуат Хамитов туралы өз ойын ашық білдірді.
Luina өзінің Хамитовпен жеке таныс екенін айтып, спортшыны желідегі образымен шатастырмауға шақырды.
“Ол – тік мінезді, өз пікірін ашық айтатын адам. Бірақ мен оны камерадан тыс, Instagram-сыз танимын. Өте тәрбиелі жігіт. Ол ешқашан маған немесе біздің ортамыздағы басқа адамға теріс мінез көрсеткен емес. Ол – нағыз қазақ жігіті, мен оны қатты құрметтеймін!” – деді Luina.
Қуат Хамитов – тек спорт аренасындағы емес, қоғамдағы белсенділігімен де танымал. Ол мемлекеттік спорт саясатын жиі сынға алып, футболшылардың деңгейі мен ұлттық құраманың нәтижесіне байланысты өткір пікір білдіріп жүр.
Хамитовтың бұл әрекеті әлеуметтік желіде жиі дау тудырса да, ол өз ұстанымынан таймай келе жатыр.
