Баян Алагөзова «Қайратқа» арнап ән шығарды (ВИДЕО)

«Реалға» қарсы матч алдындағы қолдау

Ән алғаш рет KeshYou тобының ресми аккаунтында жарияланды. Желі қолданушылары мен «Қайраттың» жанкүйерлері жаңа туындыны ерекше ықыласпен қабылдады:

• «О, Құдайым! Жеңіс біздікі!»
• «Мұнан кейін „Қайрат“ міндетті түрде жеңуі керек»
• «Қыздар жарадыңдар! „Қайрат“, алға!»

Клипте топ мүшелері алматылық клубтың дәстүрлі қара-сары түстеріндегі киіммен сахналанған. Әртістер таңдаған футбол добы да осы түске үйлестірілген.

Чемпиондар Лигасындағы жағдай

Еске салсақ, «Қайрат» — «Реал» матчы 30 қыркүйекте Алматыдағы Орталық стадионда өтеді.

• «Қайрат» Лиссабонда өткен алғашқы ойында «Спортингтен» 1:4 есебімен ұтылса,
• «Реал» өз алаңында «Марсельді» 2:1 есебімен тізе бүктірген.

Рафаэль Оразбахтиннің шәкірттері топтық кезеңде бұдан бөлек «Арсенал», «Интер», «Брюгге», «Копенгаген», «Олимпиакос» және «Пафоспен» де кездеседі.