Қазақстанға әлемдік жұлдыздардың келуі дәстүрге айналғандай. Бұған дейін Дженнифер Лопес, Backstreet Boys, енді міне мадридтік «Реалдың» суперқұрамы елге табан тіреді.
Жанкүйерлер бұл оқиғаға да ерекше әзілімен жауап берді.
Әлеуметтік желі қолданушыларының бірі:
«Егер «Реал» Алматыға емес, Астанаға келсе, Килиан Мбаппеге лопата ұстатып, ағаш егуге шығарып қояр еді», – деп қалжыңдады.
Қиялға ерік берген бұл әзіл кейін фотошоп арқылы жүзеге асырылды. Бір жанкүйер Backstreet Boys тобының суретін өңдеп, әншілердің бірінің орнына Мбаппенің бейнесін қойып жіберген.
Осылайша қазақстандықтар футбол мерекесін де, әлемдік жұлдыздардың сапарын да әзіл арқылы қабылдап, әлеуметтік желілерде қызу талқылап жатыр.
