«Реал» жұлдызы, Англия құрамасының жартылай қорғаушысы Джуд Беллингемнің жүрегін қазақ қызы жаулап алды деген болжам жасалды.
Алматылық ару danira.young лақап атымен әлеуметтік желіде жариялаған сторисінде футбол жұлдызына қолы тиіп кеткен сәтін бөлісті. Бұл оқиға «Реал» футболшыларының Алматыдағы қонақүйге орналасуы кезінде түсірілген.
22 жастағы англиялық ойыншы қазақ қызына ерекше назар аударғандай болды.
Кадрларда Беллингем оған шырайлы көзқарас танытып, күлімдеп, тіпті көз қысып жібергені анық байқалады.
Бұл сәт әлеуметтік желіде қызу талқыланып, көптеген қазақстандықтар:
«Әлемнің ең қымбат футболшыларының бірі ($180 млн) қазақ аруына ғашық болған сияқты», – деген пікір білдірді.
