Ел футболындағы атақты ойыншыларының бірі Самат Смақовтың қызы Самира әлеуметтік желіде ерекше мәлімдемесімен көзге түсті. Ол «Қайраттың» жас қақпашысы Шерхан Қалмырзамен қарым-қатынаста екенін ашық көрсетті.
Шерхан Қалмырза бар болғаны 18 жастағы қақпашы. Оның сүйіктісі Самира. Ол Самат Смақовтың қызы, жасы 20-да. Атақты қорғаушы Смақов кәсіби мансабын 2017 жылы аяқтаған.
30 қыркүйекте Самира Алматының Орталық стадионына барып, «Қайрат» – «Реал Мадрид» кездесуін тамашалады. Ол матч алдында Instagram-Stories арқылы сүйіктісіне арнаған әсерлі сөздерін бөлісті:
«Сен мен үшін әрқашан үздіксің. Нәтиже қандай болса да, сен менің №1-імсің! Шексіз мақтанамын», – деп жазды Самира.
Ойыннан кейін ол Шерхан Қалмырзаның әйгілі қақпашы Тибо Куртуамен жейде алмасқан сәтін және алаңнан шығып бара жатып өзіне қол бұлғағанын да жариялады.
Самира әлеуметтік желілерде белсенді. Оның Instagram парақшасында Қалмырзамен бірге түскен сурет немесе бейне жоқ, алайда TikTok-та бірге түскен видеоларын жиі бөліседі.
