Қазақстандық танымал әнші Мәдина Сәдуақасова стилін жаңартып, Instagram желісінде жаңа фотоларын жариялады.
46 жастағы өнер иесі бұл жолы қара түсті кең пальто мен клош-қалпақ киіп, классикалық әрі сәнді бағытқа бет бұрғанын байқатты. Образын қара күннен қорғайтын көзілдірік толықтырса, аяғында биік қонышты қара былғары етік көзге түсті.
Әнші стиль өзгерісіне қатысты пікірін де жасырмады. Оның айтуынша, командасына жаңа стилист қосылған.
"Командамда жаңа стилист пайда болды. Ол Мәдина Сәдуақасованы дәл осылай көреді. Бірден сұрайын: қалай, жарасып тұр ма, жоқ па? Бұған үйренуім керек сияқты, бірақ шынымды айтсам, бәрі өзіме қатты ұнап тұр", – деп жазды ол.
Алғашқылардың бірі болып фотоға әнші Say Mo пікір қалдырған.
"Стильді, қымбат әрі бай, жаным", – деп жазды ол.
Жанкүйерлер де түрлі баға берді:
Еске салайық, бұған дейін Мәдина Сәдуақасова анасының 70 жылдық мерейтойын кең көлемде атап өткенін көрсетіп, көпшіліктің ықыласына бөленген.
