Боксшы әуесқойлар арасында Аргентина чемпионы саналады.
Аргентиналық боксшы София Роблес кәсіпқойлар арасында алғашқы жекпе-жегін өткізді. Ол Геннадий Головкиннің әсіре жанкүйері болғандықтан шаршы алаңға София “Головкина” есімімен шықты.
Буэнос-Айрестегі (Аргентина) бокс кешінде 23 жастағы қыз отандасы Виктория Мануэль Ромеромен (0:4) қолғап түйістірді.
Жекпе-жек барлық төрт раундқа созылып, төрешілер жеңісті бірауыздан София Роблеске берді.
Биыл аргентиналық өміріндегі негізгі арманының бірін орындады. Ол Италиядағы лицензиялық турнирлердің бірінде Геннадий Головкинді кездестіріп, пір тұтатын тұлғасымен бірге суретке түсті.
Өз кезегінде Софияның кәсіпқой бокста ауыз толтырып айтарлық жетістігі жоқ. Аргентинадағы әуесқойлар арасында бір жеңісі бар.
