Танымал боксшы Мерей Ақшаловтың кандидатурасы Қостанай облысы дене шынықтыру және спорт басқармасы басшысы лауазымына қарастырылып жатыр. Бұл туралы "Дядя Ваня" телеграм-арнасы жазады.
Соңғы шешімді ҚР туризм және спорт министрлігі жанынан құрылған арнайы комиссия шығарады.
Мерей Ақшалов 2008 жылы Бейжің Олимпиадасында ел намысын қорғады. Арада бес жыл өтіп Алматыдағы әлем чемпионатын және Аммандағы Азия біріншілігін жеңіп алды. Бірақ кейін денсаулығына байланысты кәсіби бокстан кетуге мәжбүр болды. Ағымдағы жылдың сәуірінде даңқты боксшы Астанадағы Қажымұқан Мұңайтпасов атындағы олимпиадалық резервінің республикалық мектеп-интернат-колледжіне директор болып тағайындалды.
