Футболдан Қазақстан ұлттық құрамасы мен ыстамбұлдық "Бешікташ" клубының жартылай қорғаушысы Бахтиёр Зайнутдинов танымал айтыскер ақын Айнұр Тұрсынбаеваның үйінде қонақта болды.
Қазақстандық футболшы қазір Түркияда тұрып жатқан Айнұр Тұрсынбаеваның үйінде қонақта болды.
Айнұр Тұрсынбаеваның Instagram желісіндегі ресми парақшасына жариялаған видеодан футболшыға ет асып, ыстық ықыласпен қарсы алған шаңырақ иелері оған арнайы сый-сияпат табыстағанын көруге болады. Өз кезегінде Бахтиёр де үйдегі балалармен кездесіп, олардың жейдесіне қолтаңбасын қойып, бірге естелік суретке түсті.
"Шетелде қазақтың туын көкке көтеріп жүрген батыр ұлы Бахтиёр қара шаңырағымызға қонаққа келді. Сіздің де ұлдарыңыз батырлар қатарынан болсын", - деп жазды Айнұр Тұрсынбаева.
Бахтиёр Зайнутдинов 2023 жылдың 21 тамызынан бері Түркияның "Бешікташ" клубы сапында өнер көрсетіп жүр. Содан бері ол ыстамбұлдық клубта 7 гол соғып, 1 нәтижелі пас берген. Сонымен қатар ол Қазақстан ұлттық құрамасы тарихындағы ең үздік сұрмерген, оның еншісінде қазірдің өзінде 14 гол бар.
Дереккөз: NUR.KZ
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
