Қытайлық жасөспірім Ихэн Ван Рубик кубигін ең жылдам жинау бойынша жаңа әлемдік рекорд орнатты.
Ол басқатырғышты небәрі 3,081 секундта құрастырып, бұрынғы рекордты жаңартты. Алдыңғы жетістік 21 жастағы америкалық Макс Паркте болған, ол 2023 жылы кубикті 3,13 секундта жинаған еді.
Рубик кубигі – 1974 жылы венгриялық сәулетші және мүсінші Эрнё Рубик ойлап тапқан механикалық басқатырғыш. Бұл 3×3×3 пішініндегі классикалық куб, оның әрбір алты қыры тоғыз түрлі-түсті шаршыдан тұрады. Басқатырғыштың шешімі – әр қырын бір түсті етіп жинау.
