Лиссабонның «Бенфика» клубы күтпеген нәтиже тіркелгеннен кейін бас бапкер Бруну Лажбен қош айтысты.
16 қыркүйек күні УЕФА Чемпиондар лигасының топтық кезеңінің алғашқы турында “Бенфика” Әзербайжанның «Қарабах» командасын қабылдады. Кездесуде қонақтар 3:2 есебімен жеңіске жетіп, футбол әлемінде үлкен сенсация жасады.
Клуб президенті Руй Кошта ойыннан кейін бірден бас бапкер Бруну Лаждың отставкаға кеткенін ресми түрде хабарлады. Ол шешімді «клубтың амбициясына сәйкес келетін жаңа серпін қажет» деп түсіндірді.
Бруну Лаж 2024 жылдың қыркүйегінен бері «Бенфиканы» жаттықтырып келген. Оның басшылығымен команда өткен маусымда Чемпиондар лигасының 1/8 финалына дейін жетіп, кейін «Барселонаға» жол берген еді (1:4).
Бұған дейін португалиялық маман Бразилияның «Ботафого», Англияның «Вулверхэмптон», сондай-ақ Уэльстің «Суонси» клубтарында еңбек еткен.
