«Қайрат» «Аталантаны» артта қалдырды
Чемпиондар лигасының жалпы кезеңіндегі бірінші тур аяқталды. Оның қорытындысы бойынша «Қайрат» 36 команданың ішінде 33-орынға жайғасты.
«Қайраттың» алғашқы нәтижесі
Жалпы кезеңде сегіз тур өтеді. Оның нәтижесінде:
- 1–8 орын алған клубтар тікелей 1/8 финалға шығады;
- 9–24 орын алғандар плей-оффтағы қосымша матчтарға қатысады;
- 25–36 орын алғандар еуромаусымды аяқтайды.
Алғашқы турдағы сәтсіздік
Алматылық клуб Португалияның «Спортингіне» 1:4 есебімен жол беріп, Еуропадағы алғашқы ойынын жеңіліспен бастады. Жалпы бірінші турда 14 команда жеңілді.
«Қайрат» секілді «Монако» да дәл осы есеппен ұтылды. Ал одан да ауыр жеңілістерді «Галатасарай» (1:5, «Айнтрахтқа») және «Аталанта» (0:4, ПСЖ-ға) бастан кешті.
Чемпиондар лигасының кестесін «Айнтрахт» бастап тұр. Француз алпауытынан (ПСЖ) да жоғары көрсеткішке ие болды.
«Қайраттың» қарсыластары қай сатыда тұр?
3-орын — «Брюгге» (Бельгия)
4-орын — «Спортинг» (Португалия)
7-орын — «Арсенал» (Англия)
8-орын — «Интер» (Италия)
13-орын — «Реал» (Испания)
19-орын — «Копенгаген» (Дания)
21-орын — «Олимпиакос» (Грекия)
22-орын — «Пафос» (Кипр)
Көріп отырғанымыздай, «Қайрат» қарсыластарының көбі алғашқы турда жоғары орындардан табылды.
«Қайрат» 2-турда өз алаңында мадридтік «Реалды» қабылдайды. Бұл кездесу 30 қыркүйекте Алматыда өтеді
Қайрат 2-орын