Соған қарамастан Лиссабонда өткен матчта алматылық ұжым алаң иелеріне 4:1 есебімен жеңілді.
Бұл оқиға қазақ футболының жаңа дәуірін ашқандай болды. Лиссабондағы аты аңызға айналған «Жозе Алваладе» стадионында, 50 мың жанкүйердің айқай-шуы арасында 18 жасар Шерхан Қалмұрза алғаш рет негізгі құрамда алаңға шықты. Бұл тек жас қақпашының дебюті емес, «Қайраттың» да Еуропа сахнасындағы алғашқы қадамы еді.
Темірлан Анарбеков пен Александр Заруцкий жарақатына байланысты қатардан шығып қалған соң, миллиондаған жанкүйердің үміті Шерханға артылды. Ол тек қақпаны емес, бүкіл қазақ футболының абыройын қорғап шықты.
21-минутта ойын тағдырын өзгерткен сәт туды. «Спортинг» капитаны, Дания құрамасының жұлдызы Мортен Юльманд пенальти орындауға келді. Қолынан жүздеген матч өткен тәжірибелі футболшы қарсы алдында тұрған жас қақпашыдан гол күткені анық еді.
Бірақ Шерхан Қалмырза соққыны қайтарып, Еуропаны таңғалдырды! Стадион бір сәтке үнсіз қалды.
