Қырғызстанда шенеуніктер арасында Dota мен CS-тен жарыс өтеді

Қырғызстанда тұңғыш рет мемлекеттік органдар қызметкерлеріне арналған Gov.Games киберспорт турнирі ұйымдастырылады. Бұл туралы 24.kg агенттігі хабарлады.

Мемқызметкерлер Dota 2 мен CS2-де бақ сынайды

Gov.Games турнирі – цифрлық дағдылар мен командалық рухты арттыруға бағытталған жаңа форматтағы жарыс. Бұл жолы жарысқа әртүрлі мемлекеттік ведомстволардың IT-мамандарынан құралған командалар қатысады.

Бәсекелер әлемдік деңгейдегі ең танымал екі ойын түрі бойынша өтеді:

• Dota 2

• Counter-Strike 2 (CS2)

Жүлде қоры мен қатысу ережесі

• Жалпы жүлде қоры — $20 000

• Жеңімпаздарға заманауи гаджеттер мен бағалы сыйлықтар табысталады

• Команда құрамы — 5 ойыншы

• Әр ведомстводан максимум 2 команда (әр ойынға бір командадан)

Турнир күнтізбесі:

• Онлайн іріктеу кезеңі: 3 маусым

• Финал: 14 маусым, Бішкек қаласындағы IT Hub TechnoPark алаңында

• Турнир YouTube арнасында тікелей эфирде көрсетіледі