MOUZ PGL Wallachia Season 6 Dota 2 турнирінің чемпионы атанып, гранд-финалда Team Spirit командасын 3:2 есебімен жеңді. Бұл — ұйым құрамының соңғы 12 жылдағы алғашқы тир-1 деңгейіндегі жеңісі.
Тартысты өткен best-of-5 сериясында Team Spirit бірінші және төртінші карталарды жеңді, ал MOUZ шешуші серияны өз пайдасына аяқтап, екінші, үшінші және бесінші карталарды алды. Жеңісі үшін команда 300 мың доллар иеленді. Екінші орын алған Team Spirit 175 мың доллар жеңіп алды. Үшінші орын мен 120 мың доллар сыйақы Team Liquid командасына бұйырды.
Айта кетейік, MOUZ турнирге толық құрамда қатыса алмады: Мельхиор Seleri Хилленкамп денсаулық мәселелеріне байланысты чемпионаттың бүкіл кезеңін өткізіп алды, ал Ремко Crystallis Аретс дәл сол себеппен топтық кезеңде ойнаған жоқ.
MOUZ соңғы тир-1 титулын 2013 жылы RaidCall EMS One Summer Season турнирінде Evil Geniuses командасын 3:1 есебімен жеңіп алған.
PGL Wallachia Season 6 турнирі 2025 жылдың 15–23 қарашасы аралығында Румынияның Бухарест қаласында өтті. Турнирге 16 команда қатысып, 1 млн доллар жүлде қоры сарапқа салынды.
