Қазақстан құрамасының көшбасшысы Бахтиер Зайнутдинов ойнайтын "Бешікташ" футбол клубының директорлар кеңесінде күтпеген жанжал болды. Оқиға бейнежазбаға түсіп қалған.
Ыстамбұлдың әйгілі "Бешікташ" клубында өткен директорлар кеңесінің отырысында күтпеген қақтығыс болды. Жиын барысында клубтың бұрынғы президенті Хасан Арат пен қазіргі кеңес төрағасы Тевфик Ямантүрк арасында дау туындады.
Барлығы Араттың сөз сөйлеуінен басталды. Ол залда отырғандармен ауызша келіспеушілікке түсіп, жағдай шиеленісе түсті. Оған араласқан Ямантүрк сөз тартысын тоқтатып, экс-президентке жұдырық ала жүгірген.
Қақтығыс кезінде Ямантүрк Аратты жұдырықпен ұрған. Жиын осы оқиғадан кейін дереу тоқтатылды. Видеоны төменнен көруге болады.
Айта кетейік, дәл осы "Бешікташ, клубында Қазақстан ұлттық құрамасының үздік сұрмергені Бахтиер Зайнутдинов өнер көрсетіп жүр. Соңғы жылдары Түркия чемпионатында өзін сенімді көрсетіп келе жатқан футболшының клубында мұндай ішкі жанжалдың туындауы жанкүйерлерді алаңдатпай қоймады.
