Португалиялық маман алдағы маусымда қайтадан "Реал" тізгінін ұстауы мүмкін.
Мадридтік «Реал» клубы маусым соңында бапкерлік құрамда өзгеріс жасауы мүмкін. Испаниялық El Gol Digital басылымының хабарлауынша, клуб президенті Флорентино Перес Жозе Моуриньюмен байланысқа шыққан.
Қазіргі таңда негізгі үміткер – "Байер" клубын өрге сүйреген Хаби Алонсо саналады. Алайда, "Реал" Алонсомен келісімге келе алмаса, онда клуб тізгінін Моуриньюге ұсынуы ықтимал. Португалиялық маман бұл туралы естіп-білген және қайтып оралуға қарсы емес.
Қазір Жозе Моуринью Түркияның «Фенербахче» клубын жаттықтырып жатыр. Естеріңізге сала кетейік, ол «Реалды» 2010–2013 жылдары басқарған. Сол кезеңде клуб Ла Лига, Кубок және Суперкубок жеңіп алған еді.
