Футболдан Қазақстан Премьер-Лигасының 5-туры аясында Шымкенттің "Ордабасы" клубы Талдықорғанның "Жетісуына" қарсы алғашқы жеңісіне қол жеткізді.
Ойын барысында қауіпті сәттер көп болмағанымен, бірінші тайм аяқталар тұста "Ордабасы" шабуылшысы Эвертон Мораес Лука Имнадзенің өкшемен берген әдемі пасын тиімді пайдаланып, есеп ашты. Бұл эпизод матч тағдырын шешкен жалғыз гол болды.
Екінші таймда шымкенттіктер шабуылды үдете түсіп, есепті еселеуге тырысқанымен нәтижеге өзгеріс енбеді. Қарсылас тарап, керісінше, басты соққыны бапкерінен айырылу арқылы алды. "Жетісудың" бас жаттықтырушысы Самат Смақов төрешімен дауласқаны үшін қызыл қағаз алып, алаңнан қуылды.
"Ордабасы" (Шымкент) — "Жетісу" (Талдықорған) 1:0 (1:0)
Гол: Мораес 45+4 (1:0).
